كنت مخنوق جدا من ملامح اليأس اللى شوفتها على وشوش بعض الثورجيه بعد محاكمه المخلوع وبيقولوا ان المحاكمه دى مسرحيه كبيره واننا بيضحك علينا وكمان كان فى ناس بتهاجم اللى فراحنين عشان المخلوع جوه القفص !!!!!
احنا عارفين المحاكمه دى مسرحيه بس ان شاء الله هتتقلب على دماغهم فى الاخر والعصابه هتوقع بعضها سواء اللى جوه (حسنى وعياله والعادلى وكلابه) او اللى بره (المجلس السمكرى وعمر سليمان وان شاء الله شفيق والضباط المتهمين فى قتل الثوار وغيرهم كتير بإذن الله) وبالرغم من تمثيلية المحاكمه الا ان رؤية مبارك داخل القفص ده انتصار كبير لينا لازم نفرح بيه خصوصا انه مجاش بالساهل عشان نشوف المنظر ده اللى كلنا كان نفسنا نشوفه حصل اعتقال لضباط 8ابريل الشرفاء واستشهاد الشهيد على ماهر عشان مبارك يتحاكم وعشان نشوف المحاكمه علنيه كانت بفضل الله ثم اعتصام 8يوليو اللى كان شوكه فى ضهر العسكر واللى راح فيه الشهيد محمد محسن .. هما ما اتفضلوش علينا بالحاكمه العلنيه احنا دفعنا تمنها دم عشان نشوف اللحظه دى ليه مصممين على النكد وزياده الشعور باليأس داخلنا !! فرحة النصر حلوه خصوصا لما تيجى بعد تعب ومجهود كبير ,الفرحه دى هترفع من روحنا المعنويه وتفكرنا دايما ان ثورتنا مستمره وهتنجح ان شاء الله ,افرحوا بنجاحكم حتى لو كان صورى عشان الناس تعرف اننا ماشيين صح ويقفوا معانا مايبعدوش عننا اكتر ما هما بعاد. افرحوا عشان نحس بإن مجهودنا بيجيب نتيجه مش مهم اذا كانت متناسبه مع المجهود او اقل المهم انها بتيجى .وكمان زودوا على فرحة رؤيه مبارك جوه القفص ال 113 اللى خرجوا بالسلامه بعد اعتقالهم لما اتفض الاعتصام.
عندنا فى السويس امبارح الناس نزلت هيصت ورقصت وفرحت بالمحاكمه عشان حسوا ان تعبهم مارحش هدر وان اللى عملوا جاب نتيجه فى الاخر وكمان عشان يستمدوا الامل من قلب فرحتهم بالانتصار اللى حققوه. وبعدين ده العالم كله فرحان باللى عاملناه وبيحسدونا واحنا مانفرحش بيه.
وبعدين يعنى حرام انا عيد ميلادى اللى فى الشهاده كان اول امبارح ومعرفتش افرح بيه عشان اللى حصل فى التحرير وانهارده اليوم اللى اتولدت فيه وعايز افرح بقى بلاش النكد اللى احنا فيه ده :D :D
فى الاخر ..
المجد للشهداء وقود الثوره ...... ثورتنا مستمره
احنا عارفين المحاكمه دى مسرحيه بس ان شاء الله هتتقلب على دماغهم فى الاخر والعصابه هتوقع بعضها سواء اللى جوه (حسنى وعياله والعادلى وكلابه) او اللى بره (المجلس السمكرى وعمر سليمان وان شاء الله شفيق والضباط المتهمين فى قتل الثوار وغيرهم كتير بإذن الله) وبالرغم من تمثيلية المحاكمه الا ان رؤية مبارك داخل القفص ده انتصار كبير لينا لازم نفرح بيه خصوصا انه مجاش بالساهل عشان نشوف المنظر ده اللى كلنا كان نفسنا نشوفه حصل اعتقال لضباط 8ابريل الشرفاء واستشهاد الشهيد على ماهر عشان مبارك يتحاكم وعشان نشوف المحاكمه علنيه كانت بفضل الله ثم اعتصام 8يوليو اللى كان شوكه فى ضهر العسكر واللى راح فيه الشهيد محمد محسن .. هما ما اتفضلوش علينا بالحاكمه العلنيه احنا دفعنا تمنها دم عشان نشوف اللحظه دى ليه مصممين على النكد وزياده الشعور باليأس داخلنا !! فرحة النصر حلوه خصوصا لما تيجى بعد تعب ومجهود كبير ,الفرحه دى هترفع من روحنا المعنويه وتفكرنا دايما ان ثورتنا مستمره وهتنجح ان شاء الله ,افرحوا بنجاحكم حتى لو كان صورى عشان الناس تعرف اننا ماشيين صح ويقفوا معانا مايبعدوش عننا اكتر ما هما بعاد. افرحوا عشان نحس بإن مجهودنا بيجيب نتيجه مش مهم اذا كانت متناسبه مع المجهود او اقل المهم انها بتيجى .وكمان زودوا على فرحة رؤيه مبارك جوه القفص ال 113 اللى خرجوا بالسلامه بعد اعتقالهم لما اتفض الاعتصام.
عندنا فى السويس امبارح الناس نزلت هيصت ورقصت وفرحت بالمحاكمه عشان حسوا ان تعبهم مارحش هدر وان اللى عملوا جاب نتيجه فى الاخر وكمان عشان يستمدوا الامل من قلب فرحتهم بالانتصار اللى حققوه. وبعدين ده العالم كله فرحان باللى عاملناه وبيحسدونا واحنا مانفرحش بيه.
وبعدين يعنى حرام انا عيد ميلادى اللى فى الشهاده كان اول امبارح ومعرفتش افرح بيه عشان اللى حصل فى التحرير وانهارده اليوم اللى اتولدت فيه وعايز افرح بقى بلاش النكد اللى احنا فيه ده :D :D
فى الاخر ..
المجد للشهداء وقود الثوره ...... ثورتنا مستمره
